For det syner seg, i etterkant av treninga torsdag i sist veke, at inspektøren på Barneskulen på Evje - Jan Sverre Jensen, skuddkongen blandt rullatorgutta i Otra - blei rundlurt av ein keeper. I sin posisjon som "target man" utførte A-lagets målmann "Rabbit" Rasmussen nokre "herlige" kroppsfinter, "kjøyrde" tunnel, heile to gonger på Hr. Jensen, med den følgje at sistnemnde var på veg ut på ein formidabel skogstur.

(saka fortset under biletet)

Ein særs nøgd "Rabbit" Rasmussen syner fram premiane han har fått av lagkameratane for dei to tunnellane på den overmodige inspektøren ved Barneskulen.

Resultatet av kroppsfintene og tunnellane var eit mål av den meir spektakulære typen. Hendinga høyrast utruleg ut, men sidan inspektøren på utspekulert vis har fjerna biletebevisa i saka kan det inntrefne i staden bevitnast av pålitelege Knut Kjetil Møen, administrerande direktør for Evjemoen Næringspark, med fleire. 

I følgje Rasmussen sjølv, virka Mr. Jensen svimmel i 10-15 minutt etter det som skjedde. Rasmussen seier óg til otrail.no at om det reisast nokon som helst tvil om hendinga, så kan alt stadfestast av samtlege som var på treninga - i tillegg til karaktervitnet Møen. Han seier også at han gjerne gjentek hendinga ein gong det høver seg slik. Det skal vere ei glede!

Og om trøst skulle vere ønska utdelt med omsyn til Hr. Jensen, kan dette gjerast på neste trening!