Gratulerer med 50-årsdagen, Olav!
Juniorlaget på Norway Cup i 1978. Olav Åsland i blå keepertrøye
"Det er byrjinga av august, året er 1978. Juniorlaget til Otra spelar finalespel i Norway Cup. Fotballkampen vert spelt på ein bane på Abildsø. Motstandar er det svenske laget Vesta. Etter full tid stend det uavgjort på resultattavla, og kampen skal avgjerast på straffespark. Målmannen til Otra gjer sitt livs kamp. Han reddar heile tre straffespark. Han er som ein katt i mål. Olav Åsland, åleine, er med på å avgjere heile fotballkampen."
Slik skriv ein av kompisane til Olav, Odd Helge Liestøl, om han i moisund.com.avis. Men dette var for heile 32 år sidan. No, i 2010, fyller Olav Åsland 50 år. I dag er han busett på Lauvås i Hægeland, og jobbar som dyrepassar i Kristiansand Dyrepark.
Me som opplevde så mykje moro saman med lynraske og kattemjuke Olav i ungdomen helsar til han på 50-årsdagen, og ynskjer lukke til med livet vidare!
A-laget som vann 5. divisjon i 1980. Olav i grøn keepertrøye
