Eg har som tidlegare nemt eit æresmedlemskap i Datadustenes Forbund. Eg har masse bilete, men manglar en smule system. For to år sidan laga eg ei mappe, ”Syklar, Otra-syklistar” for tilbakemeldingar. Plutseleg var mappa borte. Etter lang tid dukka like plutseleg nokre av bileta opp att. Her kjem dei:

1. Ein liten tøffing på sykkel frå Thomas Sokalski. Han var fem år og reikna på at han snart skulle slå meg i temporitt, for han hadde høyrt at då fekk han 20 dollar. Riktignok blir dei yngre og yngre dei som slår meg, men dog!
2. Ho var av dei aller fattigaste og fekk ein strøken sykkel etter døtrene til Egil Bjorå. Ho stilte i temporitt og vann sykkeltrøye frå Stimen på Flekkerøya. Ho var veldig lei seg, for gutta i nabolaget tjuvlånte sykkelen og øydela kjedekassa.
3. Han som fekk denne, nekta å tru at denne sykkelen ikkje var ny. For meg såg den også ny ut. Men formann Bjorå hevda at hans fru hadde brukt den…
4. Han her jobba i forsvaret og hadde ikkje lov å ta imot noko frå utenlendingar. Så han bad om at eg ikkje tok bilete av han på vegen der folk kunne sjå. Eg meiner bestemt at det var ein grusom sprek syklist som hadde gitt dene sykkelen, Ole Jakob Haugen.

5-6. Dei to som fekk syklar frå Arild Nicolaysen og Magnus Reiersen var med i ein kristen menigheit. Dei tok på seg dei beste kyrkjekledene dei hadde, då dei skulle få syklar, eit høgdepunkt i livet.

7.    Bortsett frå skuleuniformen, eigde denne karen svært lite meir enn det han hadde på seg då han fekk sykkel frå Steinar Tjessheim.

8-9. To smykker av nokre syklar som Frank Mølland har sendt til Cuba. Førestill deg at du er blant dei fattigste i gata. Du har aldri eigd noko fint i ditt liv, og så ein dag er du eigar av ein slik sykkel.

10. Joar Kvaase frå Høvåg leigde ein racersykkel av meg på Cuba to veker i sommar. Leiga var at han tok med denne sykkelen på flyet. Og sykkelen kom frå ein av dei beste langrennsløparane i verda, og han som fekk den er ein av Cubas beste kitere. Egil Ramse var lei av å skru på sykkelen til Sondre og ga den til Cuba. Yury, som fekk den, skal sykle til Playa Baracoa og gje gratis kite-kurs til fattige ungdomar. Og heile familien Ramse vil også få gratis kite-kurs dersom dei kjem til Playa Baracoa.

   1.                                                      2.

   3.                                                      4.

   5.                                                      6.

   7.                                                      8.

   9.                                                      10.