[14.05.2013]  Odd Helge har ein rygg som har trøbla fælt på livsvegen, hofter som visstnok snart må skiftast ut og totalt utslitne kneledd. Kondisjonen og vekta er vel heller ikkje heilt som i stordomstida. Han fullførte likevel treninga med 40 minuttars spel ute på banen og 50 minuttar som målmann. Medan ein framifrå idrottsmann som Ricky Smeland (51), som framleis likar å syne fram den sterke fysikken og kondisjonen sin på A-lagstreningane, måtte luske slukøra heim etter mindre enn ein time på banen.

Det var ein maktdemonstrasjon av viljestyrke og mot - ja beint fram eit idrottsmedisisk under - den godaste Liestøl synte oss denne kalde sundagskvelden. Me lyt bare bøyge oss i støvet i respekt for prestasjonen, og ynskje Odd Helge velkomen attende på trening når kroppen har heila seg ein gong ut på hausten.